હું ઘોડાગાડી વાળો મારો ઘોડો ઘણો રુપાળો

  

કોઇ કહેશો કે ઇશ્વર કેવા હશે

સાગર માં નાવ મારી સરરર જાય કાંઠે ઉભા ઝાડ કેવાં નાના નાના થાય

ઉપર આકાશ કેવું વિશાળ દેખાય નીચે કાળા કાળા પાણી જોયા નવ જાય ...સાગર

દુર દુર પંખીઓનો કલરવ થાય

સમીર ની મંદ મંદ વાંસલડી વાય .....સાગર

સફેદ સઢમાં કેવો પવન ભરાય

હલેસા મારું તો નાવ દોડી દોડી જાય .... સાગર

તોફાનમાં નાવ મારી ડગમગ થાય

પ્રભુને સ્મરુ તો નાવ દોડી દોડી જાય .........સાગર 

બિલ્લી વાઘ તણી માસી  જોઇને  ઉન્દર જાય નાસી

ચામડી ઉપર ચટ્ટાપટ્ટા ને પૂંછડી પટપટ થાય

ખૂણા વચાળે ખોળી ખોળીને ઝડપી ઉન્દર ખાય ..... બિલ્લી

ભુરે ડૉળે ભલુ ભાળતી જબ અંધારુ ઘોર

એક જ ઘરમાં ગોઠે નહીં એ આખા ગામની ચોર ..... બિલ્લી

જીભ વતી પાણી એ પીતી આંખો મીંચી ખાય

કુતરું એનો કાળ જ માટે  દેખી નાસી જાય ..... બિલ્લી 

તમે શ્યામ થઈને ફૂંકો મને વાંસળી બનાવો
પછી આભ થઈને વ્યાપો મને વાદળી બનાવો
તમે પર્વતો ઊઠાવો કે પછી કોઈ રથ બચાવો
મને ભાર કંઈ ન લાગે ભલે આંગળી બનાવો.
તમે આંખમાં વસો છો તમે શ્વાસમાં શ્વસો છો
અમે તોય તમને જોશું ભલે આંધળી બનાવો
ભલે અંગથી છૂટીશું, પણ સંગ યાદ રહેશે
તમે સાપ-રૂપ લો તો, મને કાંચળી બનાવો. 
પછી આભ થઈને વ્યાપો મને વાદળી બનાવો
તમે પર્વતો ઊઠાવો કે પછી કોઈ રથ બચાવો
મને ભાર કંઈ ન લાગે ભલે આંગળી બનાવો.
તમે આંખમાં વસો છો તમે શ્વાસમાં શ્વસો છો
અમે તોય તમને જોશું ભલે આંધળી બનાવો
ભલે અંગથી છૂટીશું, પણ સંગ યાદ રહેશે
તમે સાપ-રૂપ લો તો, મને કાંચળી બનાવો.
-દિલીપ રાવલ

વાદલડી રોજ મારા આંગણિયે આવીને
છાંટાની રમઝટ બોલાવે,
ધક્કો મારીને એને એટલુજ કહું,
મને આવું ભીંજાવું નાં ફાવે .

ટીપેટીપાંમાં હોય લથબથતું વ્હાલ,
મને બોલાવે ઝટઝટ તું હાલ,
શરમાતી જોઈ, મને ગભરાતી જોઈ કહે ,
ભીંજાતા શીખવું હું હાલ.
લૂચ્ચો વરસાદ,મને ટાણે-કટાણે
ભીંજવવાના બ્હાના બનાવે,
ધક્કો મારીને એને એટલુજ કહું,
મને આવું ભીંજાવું નાં ફાવે .

આંખોની ટાઢક બહુ દુર જઈ બેઠી છે
પાછી હું કેમ એને લાવું ?
પાણીએ બાંધ્યુ છે પાણીથી વેર
તને વાત હવે કેમે સમજાવું ?
પળભરમાં ધોધમાર , પળમાં તું શાંત ,
અલ્યા વરસીને આવું તરસાવે ?
ધક્કો મારીને એને એટલુજ કહું,
મને આવું ભીંજાવું નાં ફાવે.

– ચૈતાલી જોગી

સૂરજ તું સળગે છે શાને ? તું ય કદી ચાંદલિયા જેવો ઠંડો ઠંડો થાને !

ઉગમણે આભ તને જોઇ કોણ ઢોળે છે 
રોજ - રોજ રંગનો કટોરો ? 
ધોધમાર વરસે વરસાદ છતાં આમનામ 
તું કાં રહી જાય સાવ કોરો ?

સાંજ પડ્યે દેશ કયે ચાલ્યો તું જાતો ફરવાને ? 
સૂરજ તું સળગે છે શાને ?

વાદળીઓ જેમ તને થાય કદી એવું 
કે ચાલો દોટમદોટ્ટા કરીએ ! 
થાય વળી એવું કે લ્હેરાતા રહીએ 
લ્હેરે છે જેમ મોજાંઓ દરિયે !

તારકની ટોળી બોલાવે છે રમવા તો જાને ! 
સૂરજ તું સળગે છે શાને ?

....કિરીટ ગોસ્વામી