કાવ્યતૃષા

સૂરજ તું સળગે છે શાને ? તું ય કદી ચાંદલિયા જેવો ઠંડો ઠંડો થાને !

ઉગમણે આભ તને જોઇ કોણ ઢોળે છે 
રોજ - રોજ રંગનો કટોરો ? 
ધોધમાર વરસે વરસાદ છતાં આમનામ 
તું કાં રહી જાય સાવ કોરો ?

સાંજ પડ્યે દેશ કયે ચાલ્યો તું જાતો ફરવાને ? 
સૂરજ તું સળગે છે શાને ?

વાદળીઓ જેમ તને થાય કદી એવું 
કે ચાલો દોટમદોટ્ટા કરીએ ! 
થાય વળી એવું કે લ્હેરાતા રહીએ 
લ્હેરે છે જેમ મોજાંઓ દરિયે !

તારકની ટોળી બોલાવે છે રમવા તો જાને ! 
સૂરજ તું સળગે છે શાને ?

....કિરીટ ગોસ્વામી