મંદિર જેવું પાવક, ભીતર અજવાળું પ્રગટાવો.
હે દૂંદાળા દેવ, અમારા હદયપરોણા થાઓ.
વીણ મહેનત ના સિદ્ધિ મળતી, સિદ્ધિ વીણ ના રિદ્ધિ,
સત્ય સનાતન ના સમજે, ઈચ્છાઓ સઘળી જિદ્દી,
શુભ વગરનો લાભ નકામો, આ સમજણ વિકસાવો.
હે દૂંદાળા દેવ, અમારા હદયપરોણા થાઓ.
આશિષવંતો હાથ પસારી, શુદ્ધ કરો મન બુદ્ધિ,
હે ગણ નાયક, દેજો અમને સદ્દગુણની સમૃદ્ધિ
મઘમઘ મહેંક પ્રસારે એવું જીવન પુષ્પ ખીલાવો.
હે દૂંદાળા દેવ, અમારા હદયપરોણા થાઓ.