ઝરમર વરસે ઝીણી
ઝરમર વરસે ઝીણી
થાય મને કે લઉં પાંપણથી વીણી
વર્ષાની ધારાઓ સાથે
આભ પીગળતું ચાલે,
ધણ વાદળનાં વીજ ચાબખે
પવન હાંકતો ચાલે !
માટીમાંથી સુગંધ ફોરતી ભીની
ઝરમર વરસે ઝીણી
ઘેરાયા આ મેઘની વચ્ચે
રહી રહી ઢોલ ઢબૂકે,
હૈયામાં ગોરંભા વચ્ચે
રહી રહી વીજ ઝબૂકે!
રોમે રોમે અગન ઊઠે છે તીણી
ઝરમર વરસે ઝીણી
- યોગેશ જોષી
ઝરમર વરસે ઝીણી
થાય મને કે લઉં પાંપણથી વીણી
વર્ષાની ધારાઓ સાથે
આભ પીગળતું ચાલે,
ધણ વાદળનાં વીજ ચાબખે
પવન હાંકતો ચાલે !
માટીમાંથી સુગંધ ફોરતી ભીની
ઝરમર વરસે ઝીણી
ઘેરાયા આ મેઘની વચ્ચે
રહી રહી ઢોલ ઢબૂકે,
હૈયામાં ગોરંભા વચ્ચે
રહી રહી વીજ ઝબૂકે!
રોમે રોમે અગન ઊઠે છે તીણી
ઝરમર વરસે ઝીણી
- યોગેશ જોષી
No comments:
Post a Comment