નારી નમણું ફૂલ
જગતમાં નારી નમણું ફૂલ.
સહજ સ્મિતે સૌંદર્ય પ્રસારી
મહક મહીં મશગૂલ.
નારી નમણું ફૂલ
જગતમાં નારી નમણું ફૂલ.
એ છે તો ઉદ્યાન જગતનાં
આજ દીસે છે હસતાં,
લક્ષ જીવન શાતા અનુભવતાં
એને હૈયે વસતાં.
મૂલવતાં મુલવાય ન કો'થી
એનાં મોંઘાં મૂલ
નારી નમણું ફૂલ
જગતમાં નારી નમણું ફૂલ.
શોણિત પાઈ પ્રફૂલ્લ રાખે
નાના મોટા છોડ,
કોમળ કાય છતાં રત એ તો
સેવામાં તનતોડ.
રડતું હૈયું, હસતી આંખો-
ઉર એનું અણમૂલ
નારી નમણું ફૂલ
જગતમાં નારી નમણું ફૂલ.
-સુશીલા ઝવેરી
No comments:
Post a Comment