કાવ્યતૃષા

મારા ભોળા દિલનો…
મારા ભોળા દિલનો હાય રે શિકાર કરીને,
ચાલ્યાં ગયાં આંખોથી આંખો ચાર કરીને…
બિમાર કરીને… મારા ભોળા દિલનો…

મેં વિનવ્યું વારંવાર કે દિલ સાફ કરી જો/દો,
કંઇ ભૂલ હો મારી તો એને માફ કરી દો…
ના ના કહી, ના હા કહી મુખ મૌન ધરીને,
ચાલ્યાં ગયાં આંખોથી આંખો ચાર કરીને…
બિમાર કરીને… મારા ભોળા દિલનો…

એક બોલ પર એના મેં મારી જીંદગી વારી,
એ બેકદરને ક્યાંથી કદર હોય અમારી…
આ જોઇનેને રોઇને દિલ મારું કહે છે,
શું પામ્યું/(તુફાનો કહો?) જીંદગી ભર આહ ભરીને,
ચાલ્યાં ગયાં આંખોથી આંખો ચાર કરીને…

છોને થઈ તકરાર હજુ પ્યાર બાકી છે,
બન્ને દિલોમાં પ્રેમની ઝંકાર બાકી છે…
સંસારના વહેવારનો વેપાર બાકી છે,
બંને દિલોના મળવા, હજુ તાર બાકી છે…
અભિમાનમાં ફુલાઇ ગયાં જોયું ના ફરીને…

ચાલ્યાં ગયાં આંખોથી આંખો ચાર કરીને…
બિમાર કરીને… મારા ભોળા દિલનો…

 – રમેશ ગુપ્તા