હાલ ને હરિ .....
હાલ ને હરિ .....
વારતાને હળવેથી માંડીએ
દિવસ ને રાત બધા વસમાં ગયા છે
એને હાથોમાં ઝાલી ન રાખીયે...
રૂવેરૂવેથી રૂડા ગીતો ઊઘડે ને હાલ વાંસડીની
જેમ એ વગાડીએ
હાથમાંથી આજ ભલે સરકે છે શાન - ભાન
પાંપણને ધીમે ઉપાડીએ ....
હાલ ને હરિ .....
વારતાને હળવેથી માંડીએ.....
આવ્યા'તા પડખે ને અડયાતાં એક વાર
તોય લાગે છે દૂર દૂર દેરું
દરિયામાં જઈને મેં જાતને ઝબોળી
તો લાગ્યું કે ભવભવના ભેરું
નોખા છે પિંડ તોય શ્વાસો છે સરખા
તો આખીયે જાતને ઉજળીએ
હાલ ને હરિ .....
વારતાને હળવેથી માંડીએ.....
---- હર્ષિદા દીપક
No comments:
Post a Comment