કુંજરોવા સત્ય પણ તો જોઈએ!
શ્યામ છોને, સત્વ પણ તો જોઈએ!
મોરનું એ પીંછ તો શોધી શકું;
રાસનું એ દ્રશ્ય પણ તો જોઈએ!
છે ગીતામાં આમ તો લખ્યું બધું;
પણ સમજવા, કૃષ્ણ પણ તો જોઈએ!
છે હજારો શિશુપાલો ચોતરફ;
એ સુદર્શન ચક્ર પણ તો જોઈએ!
હોય ચારે કોર ગોવર્ધન ભલે;
આંગળી મજબૂત પણ તો જોઈએ!
એકલી આ વાંસળી લઈ શું કરું?
કૃષ્ણ જેવી ફૂંક પણ તો જોઈએ!
દર્દ મારા કૃષ્ણના જેવા ભલે;
એ જ મોહક સ્મિત પણ તો જોઈએ!
ડૉ. મુકેશ જોષી
No comments:
Post a Comment