અસ્તના રંગે ડૂબેલી યાદ પણ શું ચીજ
છે
દોસ્ત, ઢળતી સાંજનો અવસાદ પણ શું ચીજ છે.
દોસ્ત, ઢળતી સાંજનો અવસાદ પણ શું ચીજ છે.
સેંકડો બાંધેલ સાંકળ જેમ ખેંચે છે
મને
જે તમે ના દઇ શક્યા એ સાદ પણ શું ચીજ છે.
જે તમે ના દઇ શક્યા એ સાદ પણ શું ચીજ છે.
તોડી નાખે છે રગેરગને ચીરી નાખે
ત્વચા
લોહીમાં એક નામનો ઉન્માદ પણ શું ચીજ છે.
લોહીમાં એક નામનો ઉન્માદ પણ શું ચીજ છે.
એકલું લાગ્યું નથી ક્યારેય પણ
એકાંતમાં
આ મનોમન ચાલતો સંવાદ પણ શું ચીજ છે.
આ મનોમન ચાલતો સંવાદ પણ શું ચીજ છે.
ખોતરે છે જન્મ ને જન્માંતરોની
વેદના
આ અષાઢી રાતનો વરસાદ પણ શું ચીજ છે.
આ અષાઢી રાતનો વરસાદ પણ શું ચીજ છે.
એ બની રહી આજ પર્યંત મારી
સર્જકતાનું બળ
કોઇએ મૂંગી દીધેલી દાદ પણ શું ચીજ છે.
કોઇએ મૂંગી દીધેલી દાદ પણ શું ચીજ છે.
– મનોજ
ખંડેરિયા
No comments:
Post a Comment