રહસ્યોની ગુફામાં જઈ નીસરવું યાદ આવ્યું નહિ,
સમયસર ખૂલજા સિમસિમ ઉચ્ચરવું યાદ આવ્યું નહિ
અમે જે બાળપણમાં ભીંત પર દોર્યું સરળતાથી
ઘણા યત્નો છતાં પાછું ચીતરવું યાદ આવ્યું નહિ
હતું એ હાથમાં ને રહી ગયું એ હાથમાં એમ જ
ખરે ટાણે હુકમ પાનું ઊતરવું યાદ આવ્યું નહિ
કલમથી શાહી બદલે દર્દ છંટકોર્યું છે કાગળ પર
બીજી કોઈ રીતે મન હળવું કરવું યાદ આવ્યું નહિ
રચનાઃ મનોજ ખંડેરિયા
No comments:
Post a Comment