કાવ્યતૃષા

દયાના   સાગર   થઈ ને

કૃપા રે  નિધાન   થઈ ને

છોને ભગવાન કહેવડાવો

પણ  રામ તમે સીતાજીની તોલે ન આવો
મારા રામ તમે સીતાજીની તોલે ન આવો


ફૂલ    ને   ચંદનથી    છો   પૂજાઓ
સોળે શણગાર સજી મંદિરને દ્વાર તમે

પણ  રામ તમે સીતાજીની તોલે ન આવો

ક્યાંના    ભગવાન   તમે
મારા રામ તમે સીતાજીની તોલે ન આવો

કાચા   રે   કાનના   તમે
અગ્નિ પરીક્ષા કોની કીધી


પતિ થઈ ને પત્નીને પારખતાં  ન આવડી
તમારો  પડછાયો  થઈ  ને
વગડો   રે   વેઠ્યો   એને
લોકોની વાતે ત્યાગી દીધી


તમથીયે   પહેલા   અશોક   વનમાં
છો   ને   ઘટઘટના  જ્ઞાતા  થઈ ફૂલાઓ

પણ  રામ તમે સીતાજીની તોલે ન આવો
મારા રામ તમે સીતાજીની તોલે ન આવો


મરેલાને માર્યો તેમાં કર્યું શું પરાક્રમ
સીતાજીએ     રાવણને      હરાવ્યો
દૈત્યોના વચ્ચમાં નિરાધાર નારી તોયે
દશ  માથાવાળો   ત્યાં   ના   ફાવ્યો

અમથો  વિજયનો  લૂટ્યો   લ્હાવો


મારા રામ તમે સીતાજીની તોલે ન આવો

મારા રામ તમે સીતાજીની તોલે ન આવો



રચના: અવિનાશ વ્યાસ