મૂર્ખને
મુક્તિ મળે, એ પણ નકામી હોય છે,
એની આઝાદી તો ઈચ્છાની ગુલામી હોય છે…
એની આઝાદી તો ઈચ્છાની ગુલામી હોય છે…
દ્રશ્ય
જે દેખાય છે, એવું જ છે, એવું નથી,
આપણી દ્રષ્ટિમાં પણ ક્યારેક ખામી હોય છે…
આપણી દ્રષ્ટિમાં પણ ક્યારેક ખામી હોય છે…
આંખના
કાંઠે તો બસ બે ચાર બિન્દુ ઊભરે,
મનના દરિયે જ્યારે એક આખી ત્સુનામી હોય છે…
મનના દરિયે જ્યારે એક આખી ત્સુનામી હોય છે…
સૂર્ય
શો હું, આથમીને સત્ય એ સમજી શક્યો,
માત્ર ઉગતા સૂર્યને સૌની સલામી હોય છે…
માત્ર ઉગતા સૂર્યને સૌની સલામી હોય છે…
નામ
પાછળ જીંદગીભર દોડવું એળે જશે,
આખરે જે જાય છે એ તો ‘ન-નામી’ હોય છે…
આખરે જે જાય છે એ તો ‘ન-નામી’ હોય છે…
No comments:
Post a Comment