કાવ્યતૃષા

વાદળી ! ક્યાંરે રે ગૈ,એલીવાદળી ?

તને જોઇતી મેં દુર મારી સીમે;

તું તો આવંતી પાસ ધીમે ધીમે;

હતી જોઇ તારી વીજ,

હતું સુણ્યું તારું ગીત;

મેંતો આશાની માંડી’તી મીટજી

તને સુઝી શી આ મતિ ?

તેં તો આડી કરી ગતિ ! એલી વાદળી….

મેં તો જાણ્યું, તું વરસી અહીં જાશે,

મારા ખેતર સૌ અંકુરિત થાશે.

મારાં પંખીડા ન્હાશે,

મારા ઝરણાઓ ગાશે.

મારું મનડું ઉમંગે એ નાચશે જી !

ત્યાં તો થઇ તું અદીઠ !

આ તે કેવી તારી રીત ? એલી વાદળી….

હવે લાવે જો નીર ફરી વારે,

અને આવે જો ગામ ચડી મારે.

વેણ કે’વાને ત્યારે

મારા ડુંગરની ધારે

એક બેસી જોઇશ તારી વાટ જી.

બેન જાતી ના આમ

રાખી સુકું તમામ. એલી વાદળી….

- પ્રહલાદ પારેખ