ઊગ્યું અનુપ પ્રભાત !
કપૂરમાં ઘૂંટેલાં સુંદર કોમલ ભીનાં ગાત !
ઊગ્યું અનુપ પ્રભાત !
વહેલી સવારે બળદો જાતા મંદ રણકતી સીમે,
ઝીણી ઝાકળની ઝરમરમાં મ્હેકે ધરતી ધીમે,
ગોરી ગાયનાં ગોરસ માંહી કેસરરંગી ભાત,
ઊગ્યું અનુપ પ્રભાત !
લીલાંસૂકાં તૃણ પર ચળકે તડકો આ રઢિયાળો,
ઢેલડ સંગે રૂમઝૂમ નીકળ્યો મોર બની છોગાળો,
આકાશે ઊડતાં પંખીની રેશમી રંગ-બિછાત,
ઊગ્યું અનુપ પ્રભાત !
વૃક્ષ પરેથી સરી પડ્યાં છે બોરસલીનાં ફૂલ,
ફરફરતું વનકન્યા કેરું શ્વેત સુગન્ધી દુકૂલ,
લળી લળી કૈં સમીર કહેતો ઝરણાંને શી વાત ?
ઊગ્યું અનુપ પ્રભાત !
કૃષ્ણઘેલી ગોપીનું મલકે શિશુ જાણે નવજાત !
ઊગ્યું અનુપ પ્રભાત !
– ઉપેન્દ્ર પંડ્યા
કપૂરમાં ઘૂંટેલાં સુંદર કોમલ ભીનાં ગાત !
ઊગ્યું અનુપ પ્રભાત !
વહેલી સવારે બળદો જાતા મંદ રણકતી સીમે,
ઝીણી ઝાકળની ઝરમરમાં મ્હેકે ધરતી ધીમે,
ગોરી ગાયનાં ગોરસ માંહી કેસરરંગી ભાત,
ઊગ્યું અનુપ પ્રભાત !
લીલાંસૂકાં તૃણ પર ચળકે તડકો આ રઢિયાળો,
ઢેલડ સંગે રૂમઝૂમ નીકળ્યો મોર બની છોગાળો,
આકાશે ઊડતાં પંખીની રેશમી રંગ-બિછાત,
ઊગ્યું અનુપ પ્રભાત !
વૃક્ષ પરેથી સરી પડ્યાં છે બોરસલીનાં ફૂલ,
ફરફરતું વનકન્યા કેરું શ્વેત સુગન્ધી દુકૂલ,
લળી લળી કૈં સમીર કહેતો ઝરણાંને શી વાત ?
ઊગ્યું અનુપ પ્રભાત !
કૃષ્ણઘેલી ગોપીનું મલકે શિશુ જાણે નવજાત !
ઊગ્યું અનુપ પ્રભાત !
– ઉપેન્દ્ર પંડ્યા
No comments:
Post a Comment