વડલા જેવા પપ્પા મારા , મારા દિલ નો દરિયો.....
હું પપ્પાનો ઝગમગ દિવડો,
પપ્પા ની આંખો નું રતન,
ક્ષણ ક્ષણ ના અમલદાર એતો.....
વડલા જેવા પપ્પા મારા , મારા દિલ નો દરિયો......
પાંપણ ના સંપુટ માં સપના ભરતા રહેતા......
મલક આખાની હૂંફ ,પપ્પા હૈયે ભરાતા......
પળપળ નો પડછાયો જાણે, પળ પળ ના વિશ્રામ.
વડલા જેવા પપ્પા મારા , મારા દિલનો દરિયો.....
કાળજાનો ટુકડો સમજી,જતન બહુ બહુ કરતા.......
લીલપ નો વગડો...,હરિયાળા હેત ભરતા.......
ખીલ્યુ ખેલ્યું એ ભોળુ શૈશવ, પપ્પા સ્મિત ના પ્રણેતા......
ઝળહળ જેવું જીવન પપ્પા ભરતા રહેતા......
વડલા જેવા પપ્પા મારા, મારા દિલ નો દરિયો,
હું ફળીયા નું પારેવુ ને એ માળા ના રખવાળા....
શીળી છાંય તમારી...,પપ્પા છે. નિરાળા......
જગ જોયું તમ આંખે વંદુ છબીને નમુ નમુ મસીહા....
કૃપા ત્રિવેદી, ઓઝા,
No comments:
Post a Comment