અંજલિ ભરીને પ્રેમ ચાખ...
ખળખળતી નદીયુંના નીર આજ બોલ્યા કે ચાલ તારી ઘીમી તો રાખ..... પરપોટા જેમ ભર્યો પ્રેમ તારી ભીતરમાં અંજલિ ભરીને રોજ ચાખ્....
સોનેરી કિરણોમાં સરતી તું જા
ટહુકામાં અજવાળું ભરતી તું જા
અંધારી ઓરડીમાં દીવડાનું તેજ ભરી અજવાળે બારણીયા વાખ....
ખળખળતી ધારામાં વહેતા રહેવું
હૈયાને હેત ભરી ચૂમતા રહેવું
જીવતરના રસ્તા પર ઉન્માદી ઓરતાને મોજાઓ જેવી દે પાંખ....
---- હર્ષિદા દીપક
No comments:
Post a Comment