અલી તું તો ઢળકતી ઢેલ!
કે તારો વાલમો વનનો મોરલો
તારે નેણલે સોહાગનો નેહ
એવે નેણલે નીરખ્યો મોરલો
કે તારો વાલમો વનનો મોરલો
અલી તું તો ઢળકતી ઢેલ!
કે તારો વાલમો વનનો મોરલો
દૂરની વનરાઈમાં મોરલાને માંડવે
ગ્યાતાં ઢોલણરાણી નાચંતા નેણલે
કે પીધી મીઠાં આંસુડાની હેલ!
કે તારો વાલમો વનનો મોરલો
અલી તું તો ઢળકતી ઢેલ!
શરમાળી આંખોમાં શમણાં સંતાડતી
તારા કોડીલા હૈયાની કહેતી જા વાતડી
કે જોને પાંગરતી મઘમઘતી વેલ!
કે તારો વાલમો વનનો મોરલો
અલી તું તો ઢળકતી ઢેલ!
કે તારો વાલમો વનનો મોરલો
ગીતઃ પ્રહ્લાદ પારેખ
No comments:
Post a Comment