આજ મને મોરપીંછનાં શુકન થયાં સખી
હે હે ચપટી નીંદર વીણવા અમે
ટેવનાં માર્યાં બોરડી કને ગયાં સખી
આજ મને મોરપીંછનાં શુકન થયાં સખી
કોઈ મને ઘેર લાવ્યું કે હું ઘેર કોઈને લાવી?
આજ રાબેતાભેર હું મારે ઘેર ન પાછી આવી
પાસ પાસે અણસાર જેવું પણ
આજ મને મોરપીંછનાં શુકન થયાં સખી
નીરખ્યું તો મોંસૂઝણાં છેટાં રહ્યાં સખી
મોર વિનાનું પીંછ દીઠું કે પીંછ વિનાનો મોર!
આજ મને મોરપીંછનાં શુકન થયાં સખી
કોણ જાણે પણ કીકીઓ કરે ઢેલ સમો કલશોર
મોરને એનું કોઈ ચોમાસું સાંભરી આવે
એટલાં લોચન વહ્યાં સખી
આજ મને મોરપીંછનાં શુકન થયાં સખી
આજ મને મોરપીંછનાં શુકન થયાં સખી
હે હે ચપટી નીંદર વીણવા અમે
ટેવનાં માર્યાં બોરડી કને ગયાં સખી
No comments:
Post a Comment