પાંદળુ કેવી રીતે પીળું થયું કોને
ખબર ?
એટલે કે ઝાડમાંથી શું ગયું કોને ખબર ?
એટલે કે ઝાડમાંથી શું ગયું કોને ખબર ?
શહેર પર ખાંગી થઈ વરસી પડી આખી
વસંત,
એક જણ નખશિખ ઊજ્જડ રહી ગયું કોને ખબર ?
એક જણ નખશિખ ઊજ્જડ રહી ગયું કોને ખબર ?
શાહીમાંથી આમ કાં ઢોળાય છે તારા
સ્મરણ
એને મારું એક મન ઓછું પડ્યું કોને ખબર ?
એને મારું એક મન ઓછું પડ્યું કોને ખબર ?
સ્વપ્નમાં વહેતી’તી
નહેરો તારા ચહેરાની સતત,
ને સવારે આંખમાંથી શું વહ્યું કોને ખબર ?
ને સવારે આંખમાંથી શું વહ્યું કોને ખબર ?
માછલીએ એકદા જળને પૂછ્યું : તું
કોણ છે ?
એના ઊત્તર શોધવા જળ ક્યાં ગયું કોને ખબર ?
એના ઊત્તર શોધવા જળ ક્યાં ગયું કોને ખબર ?
મેં અરીસાને અમસ્તો ઉપલક જોયો ‘રમેશ’,
કોણ એમાંથી મને જોતું રહ્યું કોને ખબર ?
કોણ એમાંથી મને જોતું રહ્યું કોને ખબર ?
- રમેશ
પારેખ
No comments:
Post a Comment