કાવ્યતૃષા

ઢળતા સૂરજની સંધ્યા કોને ન ગમે,
રેલાતા એ રંગોની મોહકતા કોને ન ગમે…

પણ મળી જાય જો તેમાં સાનિધ્ય તારુ,
તો એ રંગોની સુંદરતા મને વધુ ગમે…

વરસાદી હવાની માદકતા કોને ન ગમે,
તેના સ્પર્શની એ નજાકતતા કોને ન ગમે…

પણ જો હોય હાથ મારો તારા હાથમાં,
તો એ ક્ષણની સ્થગિતતા મને વધુ ગમે…

તન-મનને ભીંજવતો આ વરસાદ મને ગમે,
પ્રબળતાથી આકર્ષતો દરિયો મને ગમે…

દરિયાનું વશીકરણ મૌન બનાવી દે મને,
પણ મારા એ મૌનને સાંભળનાર તું મને વધુ ગમે…

unknown