કાવ્યતૃષા

પૂછો કે pen માં ય ફરે ઝાંઝવા, તો હા 
પૂછો કે હોય ત્યાં ય હરણ બ્હાવારાં, તો હા

એવું ય ઘર હતું જ્યાં ઊગી'તી લીલોતરી 
પૂછો કે એની આજ છે આવી દશા, તો હા

દોસ્તી પતંગિયાની કરી એ ગુના સબબ 
પૂછો લીલા બાગ સુકાઈ ગયા, તો હા

આંખો બની રહી છે અકસ્માતના ખબર 
પૂછો કે એક ફૂલ હતું હાથમાં, તો હા

છટકી ગયું કોઈ પ્રતિબિંબમાંથી બ્હાર
પૂછો કે દર્પણમાં હતા બારણાં, તો હા

ત્રણ અક્ષરમાં માપી લીધું વિશ્વને 'રમેશ'
પૂછો કે એનું નામ હતું વેદના, તો હા 
રમેશ પારેખ