કાવ્યતૃષા

મને ચોમાસું થાવાનાં કોડ

હજુ મને ચોમાસું થાવાનાણ કોડ

નસનસમાં ઇન્દ્રધનુ કેરો તરંગ

અને અંગમાં ગુલાબી મરોડ

અમથું અમથું તે કાંઇ વરસી શકાય નહીં

મારા પર મારી છે બેડી

ચોમાસું થઇએ તો અઢળક કંઇ વહીએ

ને ભીંજવીએ લીલીછમ મેડી

રેશમિયા વાદળની ઓઢું હું ઓઢણી

ને આખા તે આભલાંની સોડ

મારી તે જાતનો આ કેવો અવતાર

એમાં હું જ સદા વહેતી ઝિલાતી

રેતીની કાયા પર વરસી વરસીને હું ય

વીત્યા સપના શી વિલાતી

નભની સાથે તે મારું સગપણ એવું

કે એને કેમ કહું હવે મને છોડ

- નંદિતા ઠાકોર