માડી મ્હારી ત્હારા વિનાની સૂની સંસાર વાડી
માળી વિનાની જેમ પડેલી એક પુરાતન ક્યારી
ઊર્મિ તણો કો છોડ ઊગે પણ જળસિંચનની ખામી
સ્નેહના ખાતર વિણ ફૂટે ક્યાં ? એકે અંકુર ડાળી
ચિર આનંદે કોઈ ખીલે ત્યાં આવે વંટોળ ભારી
કંઈ કષ્ટોનાં તાપ જ ભારી સૂકવે કાયા મ્હારી
લેખ હશે ત્યારે ત્હારી છાંયે આવીશ માડી દોડી
પંચમ સૂરે ત્યારે ગાશે મુજ મનની એકતારી
મારે માથે પંપાળજે કર, ત્હારો પાલવ ઢાળી
કોઈ જુએ ના એમ જ લેજે પ્રેમની ચુમી છાની
- રમેશ પટેલ ‘પ્રેમોર્મિ’
No comments:
Post a Comment