સૂરજની ફાઈલમાં અંધારું વાંચીને તમને કાં લાગે નવાઈ ?
આ તો ઘુવડનો વહીવટ છે ભાઈ !
આ તો ઘુવડનો વહીવટ છે ભાઈ !
કોયલના ટહુકાના ટેન્ડરનું પૂછો છો ? એ લટકે અધ્ધર આ ડાળે,
‘કા-કા’ કરીને જે આપે સપોર્ટ એવા કાગડાની વાત કોણ ટાળે ?
જાવ જઈ સમજાવો સુરીલા કંઠને કે મૂંગા રહેવામાં મલાઈ.
આ તો ઘુવડનો વહીવટ છે ભાઈ !
‘કા-કા’ કરીને જે આપે સપોર્ટ એવા કાગડાની વાત કોણ ટાળે ?
જાવ જઈ સમજાવો સુરીલા કંઠને કે મૂંગા રહેવામાં મલાઈ.
આ તો ઘુવડનો વહીવટ છે ભાઈ !
પાડી પાડીને તમે પાડો છો બૂમ, પણ તમ્મારું સાંભળે છે કોણ ?
દુર્યોધન દુ:શાસન હપ્તે મળે છે ને ગિફટમાં મળે છે પાછા દ્રોણ !
ઊધઈની સામે કાંઈ લાકડાની તલવારે લડવાની હોય ના લડાઈ.
આ તો ધુવડનો વહીવટ છે ભાઈ !
દુર્યોધન દુ:શાસન હપ્તે મળે છે ને ગિફટમાં મળે છે પાછા દ્રોણ !
ઊધઈની સામે કાંઈ લાકડાની તલવારે લડવાની હોય ના લડાઈ.
આ તો ધુવડનો વહીવટ છે ભાઈ !
રેશનની લાઈનમાં ઊભેલી કીડી ક્યે ટીપું કેરોસીન તો આપો,
પેટ તો બળે છે હવે પંડ્યનેય બાળવું છે લ્યો આ દિવાસળી, ને ચાંપો.
ઈ બ્હાને તો ઈ બ્હાને આ અજવાળા સંગાથે થોડીક તો થાશે સગાઈ.
આ તો ઘુવડનો વહીવટ છે ભાઈ !
પેટ તો બળે છે હવે પંડ્યનેય બાળવું છે લ્યો આ દિવાસળી, ને ચાંપો.
ઈ બ્હાને તો ઈ બ્હાને આ અજવાળા સંગાથે થોડીક તો થાશે સગાઈ.
આ તો ઘુવડનો વહીવટ છે ભાઈ !
– કૃષ્ણ દવે
No comments:
Post a Comment